Italiya hukumati Venetsiyada misli ko‘rilmagan toshqinlar tufayli favqulodda holat joriy etdi. Bu haqda “Interfaks” xabar bermoqda.
Mamlakat bosh vaziri Juzeppe Kontega ko‘ra, shahar va uning aholisi birlamchi ehtiyojlari uchun 20 million yevro ajratilgan. Biroq hozircha shaharga yetkazilgan zarar miqdorini aniqlashning imkoni bo‘lmayapti.
Venetsiyada suv sathi 12-noyabr kuni me’yordagidan 187 santimetr oshiqroq ko‘tarildi. Kuzatuvlar tarixida suvning bundan baland ko‘tarilishi faqat 1966-yilda kuzatilgan. O‘shanda bu ko‘rsatkich 194 santimetrni tashkil etgandi.
Izoh (0)