Ilon Mask Starlink global internet loyihasi doirasida yana 60 ta sun’iy yo‘ldoshni fazoga uchirdi (video)
Ilon Maskga tegishli SpaceX kompaniyasi Starlink loyihasi doirasida sun’iy yo‘ldoshlarning navbatdagi partiyasini uchirdi. Ushbu jarayon YouTube orqali to‘g‘ridan-to‘g‘ri translyatsiya qilindi.
Foto: YahooOrbital aloqaning 60 ta sun’iy yo‘ldoshi bo‘lgan Falcon 9 raketasi Toshkent vaqti bilan 19:56 da Florida shtatidagi Kanaveral sahrosidan uchirilgan. Raketaning ko‘p martalik tayanchi Of Course I Still Love You suzuvchi platformasiga Atlantika okeanining sharqiy sohillariga qo‘ngan. Kompaniya o‘z Twitter’dagi sahifasida bu to‘rtinchi uchish va tayanchning ilk bor qo‘ndirilishi ekanini bildirgan.
Sun’iy yo‘ldoshlar orbitaga 280 kilometrdan keyin chiqariladi va ion dvigatellari tekshiruvidan so‘ng talab etiladigan balandlikka yetadi. Foydali yuklama 13 tonnadan og‘irroq, Starlink’ning birinchi uchirilishida yukning og‘irligi 18,5 tonnani tashkil etgan.
SpaceX global internet uchun Starlink dasturi haqida 2015-yilda e’lon qilgan. Dastur doirasida 12 mingta sun’iy yo‘ldosh uchiriladi: 1,1–1,3 ming kilometr balandlik uchun 4425 ta, va 335–346 kiometr balandlikdagi 7518 ta qurilma. Oktabrda Ilon Mask Starlink sun’iy yo‘ldoshlar tizimi orqali koinotdagi internetdan Twitter’dagi birinchi tvitini yozgan. Kompaniya bayonotiga ko‘ra tizimning o‘tkazuvchanlik qobiliyati bitta foydalanuvchi uchun 1 soniyda 1 gigabitni tashkil etadi.
25-mayda Ilon Mask sun’iy yo‘ldoshlar muvafaqiyatli ishga tushirilib, kosmik qurilmalar internetga ulanganini ma’lum qilgan. O‘zbekiston aholisi 26-mayga o‘tar kechasi Ilon Maskning SpaceX kompaniyasi tomonidan Starlink (butunjahon interneti) dasturi doirasida uchirilgan 60 ta sun’iy yo‘ldoshning uchib o‘tishini kuzatish imkoniga ega bo‘lgandi.
Izoh (0)