Boliviyaning iste’foga chiqqan prezidenti Evo Morales Moskva bilan aloqaga chiqmagan va Rossiyadan boshpana so‘ramagan. Bu haqda Rossiya prezidenti matbuot kotibi Dmitriy Peskov ma’lum qildi, deya xabar beradi “Interfaks”.
Uning aytishicha, Kreml barchani tinchlanishga chaqiradi va Boliviyadagi vaziyat qonun doirasida rivojlanishiga umid qiladi.
“Albatta, boliviyaliklar o‘z taqdirlarini o‘zi, uchinchi davlatlar aralashuvisiz hal qiladi deb o‘ylaymiz”, — dedi Peskov.
Ma’lumot uchun, Rossiya Davlat dumasi xalqaro ishlar qo‘mitasi raisi o‘rinbosari Aleksey Chepa Boliviyada AQSh tomonidan uyushtirilgan davlat to‘ntarishi ro‘y berganini bildirdi.
Izoh (0)