Yoshlarga oid qancha-qanchadan loyihalarning o‘lda-jo‘lda, bajarilmay qolib ketayotgani yoshlarda: “Davlat rahbari va’dasining ustidan chiqmayapti” degan fikrni uyg‘otmoqda. Ushbu fikr senator Iqbol Mirzo tomonidan bildirildi, deya xabar bermoqda “Daryo” muxbiri Musulmonbek Ibrohimov.
2019-yilgi Davlat dasturining 231-bandida “Yoshlar — kelajagimiz” dasturi doirasida yoshlar tadbirkorligini rivojlantirish va bandligini ta’minlashga 2 trillion so‘m sarflanishi va 50 mingta yangi ish o‘rni yaratilishi qayd qilingan. Lekin 2019-yilning dastlabki to‘qqiz oyi mobaynida 1 848 ta biznes-loyihaga jami 412 millirad so‘m miqdorida imtiyozli kreditlar ajratish orqali bor-yo‘g‘i 7 778 ta yangi ish o‘rni yaratilgan, xolos.
Ijrosi uchun Yoshlar ittifoqi, Bandlik va mehnat munosabatlari vazirligi, Moliya vazirligi, Investitsiyalar va tashqi savdo vazirligi, Qoraqalpog‘iston Jo‘qorg‘i Kengesi, viloyatlar va Toshkent shahar hokimliklari mas’ul bo‘lgan ushbu muhim vazifa bajarilmagan. Senatning Yoshlar, madaniyat va sport masalalari qo‘mitasi raisi Iqbol Mirzoning ta’kidlashicha, dasturning bajarilmagani Prezident Shavkat Mirziyoyevga nisbatan yoshlarda ishonchsizlik kayfiyatini uyg‘otmoqda.
Amalga oshirishning imkoni bo‘lmagan, qanchadan qancha loyihalar yarim yo‘lda qolib ketyapti. Bunday vaziyatda yoshlar: “Davlat rahbari vadasining ustidan chiqmayapti”, degan fikrga boradimi?Avvalroq budjetdan mablag‘ ajratishdagi uzilishlar sababli O‘zbekiston Yoshlar ittifoqi xodimlarining avgust oyi uchun to‘lanishi kerak bo‘lgan maoshlari kechikkani haqida xabar berilgan edi.Noto‘g‘ri hisob-kitob qilganimiz natijasida davlatni obro‘sizlantiryapmiz. Bu bilan Prezidentning obro‘siga soya tushmoqda. Prezident bo‘lmaydigan ishni so‘rayotgani yo‘q-ku.
Bajaralishi aniq bo‘lgan maqsadlarni oldimizga qo‘yishimiz kerak.
Iqbol Mirzo, senator
Izoh (0)