Farg‘ona viloyatining Qo‘qon va Tojikistonning Shaydon shaharlari o‘rtasida avtobus qatnovi yo‘lga qo‘yilishi munosabati bilan “Qo‘qon—Shaydon” yo‘nalishining tantanali ochilish marosimi bo‘lib o‘tdi. Bu haqda Farg‘ona viloyati hokimligi matbuot xizmati xabar berdi.
Tadbirda Shaydon shahri va Farg‘ona viloyati hokimligi mutasaddilari hamda keng jamoatchilik vakillari ishtirok etdi.
Qatnov yo‘nalish masofasi 84,5 kilometr bo‘lib, Shaydon shahri tomonidan “Raxsh-RM” kompaniyasiga tegishli mikroavtobuslar hamda Qo‘qon shahridan “Mansur Mirzohid” kompaniyasiga qarashli Isuzu avtobuslarida yo‘lovchilarga xizmat ko‘rsatiladi.
Yo‘l haqi O‘zbekiston tomonidan 23 ming so‘m, Tojikiston tomonidan esa 23 somoni etib belgilangan.
Izoh (0)