Фарғона вилоятининг Қўқон ва Тожикистоннинг Шайдон шаҳарлари ўртасида автобус қатнови йўлга қўйилиши муносабати билан «Қўқон—Шайдон» йўналишининг тантанали очилиш маросими бўлиб ўтди. Бу ҳақда Фарғона вилояти ҳокимлиги матбуот хизмати хабар берди.
Тадбирда Шайдон шаҳри ва Фарғона вилояти ҳокимлиги мутасаддилари ҳамда кенг жамоатчилик вакиллари иштирок этди.
Қатнов йўналиш масофаси 84,5 километр бўлиб, Шайдон шаҳри томонидан «Рахш-РМ» компаниясига тегишли микроавтобуслар ҳамда Қўқон шаҳридан «Мансур Мирзоҳид» компаниясига қарашли Isuzu автобусларида йўловчиларга хизмат кўрсатилади.
Йўл ҳақи Ўзбекистон томонидан 23 минг сўм, Тожикистон томонидан эса 23 сомони этиб белгиланган.
Изоҳ (0)