Rishton tumanlararo iqtisodiy sudining 2019-yil 25-iyuldagi ijro varaqasiga asosan qarzdor “Vodiyneftgazavtotrans” shu’ba korxonasidan davlatga 513,9 million so‘m soliq qarzi undirildi. Bu haqda “Daryo”ga Majburiy ijro byurosi ma’lum qildi.
Xabar berilishicha, davlat ijrochisining rasmiy ogohlantirishlariga qaramasdan, korxona soliq qarzini to‘lamagan. Avvalroq bir necha yuz millionlik qarzi uchun ushbu korxona yuk mashinasidan ayrilgan.
Qonun talabi bo‘yicha, davlat ijrochisi dastlab korxonaning bankdagi barcha hisobraqamlariga inkasso topshiriqnomasini qo‘ygan. Keyinchalik korxona balansidagi transport vositalarini aniqlanib, ularni xatlash bo‘yicha majburiy ijro harakatlariga kirishilgan.
“Vodiyneftgazavtotrans” shu’ba korxonasi transport vositalarining xatlanishi va ochiq savdolarda sotilishiga shunchaki chidab qarab tura olmagan va ijro hujjatida belgilanganidan ortig‘i bilan soliq to‘lovlarini amalga oshirgan.
Izoh (0)