Риштон туманлараро иқтисодий судининг 2019 йил 25 июлдаги ижро варақасига асосан қарздор «Водийнефтгазавтотранс» шуъба корхонасидан давлатга 513,9 миллион сўм солиқ қарзи ундирилди. Бу ҳақда «Дарё»га Мажбурий ижро бюроси маълум қилди.
Хабар берилишича, давлат ижрочисининг расмий огоҳлантиришларига қарамасдан, корхона солиқ қарзини тўламаган. Аввалроқ бир неча юз миллионлик қарзи учун ушбу корхона юк машинасидан айрилган.
Қонун талаби бўйича, давлат ижрочиси дастлаб корхонанинг банкдаги барча ҳисобрақамларига инкассо топшириқномасини қўйган. Кейинчалик корхона балансидаги транспорт воситаларини аниқланиб, уларни хатлаш бўйича мажбурий ижро ҳаракатларига киришилган.
«Водийнефтгазавтотранс» шуъба корхонаси транспорт воситаларининг хатланиши ва очиқ савдоларда сотилишига шунчаки чидаб қараб тура олмаган ва ижро ҳужжатида белгиланганидан ортиғи билан солиқ тўловларини амалга оширган.
Изоҳ (0)