Ijtimoiy tarmoqlarda Qozog‘iston hududida O‘zbekiston fuqarolari ishtirokida sodir bo‘lgan voqea to‘g‘risida tarqalgan videomaterialga TIV munosabat bildirdi.
Tarqalgan videomaterialda Namanganning Uchqo‘rg‘on tumanida istiqomot qiluvchi bir guruh fuqarolarga Qozog‘istondan mo‘may daromad taklif qilib olib ketishgani, ular og‘ir sharoitlarda maoshsiz ishlagani aytilgan.
Fuqarolarning aytishicha, ular internet orqali elchixonaga qilgan murojaati hech qanday foyda bermagan. So‘ng “Orzu va hayot” loyihasi rahbari yordamida ular O‘zbekistonga qaytgan.
TIV xabarida aytilishicha, O‘zbekistonning Nur-Sulton shahridagi elchixonasi O‘zbekistonning Qozog‘istondagi elchixonasiga ham, konsulxonalariga ham hech qanday murojaat kelib tushmagan. “Orzu va hayot” loyihasi rahbari Ilhomjon Qosimov ham buni tasdiqlagan.
Izoh (0)