Ижтимоий тармоқларда Қозоғистон ҳудудида Ўзбекистон фуқаролари иштирокида содир бўлган воқеа тўғрисида тарқалган видеоматериалга ТИВ муносабат билдирди.
Тарқалган видеоматериалда Наманганнинг Учқўрғон туманида истиқомот қилувчи бир гуруҳ фуқароларга Қозоғистондан мўмай даромад таклиф қилиб олиб кетишгани, улар оғир шароитларда маошсиз ишлагани айтилган.
Фуқароларнинг айтишича, улар интернет орқали элчихонага қилган мурожаати ҳеч қандай фойда бермаган. Сўнг «Орзу ва ҳаёт» лойиҳаси раҳбари ёрдамида улар Ўзбекистонга қайтган.
ТИВ хабарида айтилишича, Ўзбекистоннинг Нур-Султон шаҳридаги элчихонаси Ўзбекистоннинг Қозоғистондаги элчихонасига ҳам, консулхоналарига ҳам ҳеч қандай мурожаат келиб тушмаган. «Орзу ва ҳаёт» лойиҳаси раҳбари Илҳомжон Қосимов ҳам буни тасдиқлаган.
Изоҳ (0)