Moskva sobiq meri Yuriy Lujkovning rafiqasi Yelena Baturina qatorasiga yettinchi yil Rossiyaning eng badavlat ayollari reytingini boshqardi. Forbes mamlakatdagi yirik developerlik kompaniyasi — Inteko asoschisining mol-mulkini 1,2 milliard dollar deb baholadi, deya xabar bermoqda “RIA Novosti”.
Reytingning ikkinchi pog‘onasini 1 milliard dollar atrofidagi kapital bilan Wildberries internet-do‘koni asoschisi Tatyana Bakalchuk egalladi.
“Rossiya” banki bosh aksiyadori Yuriy Kovalchukning turmush o‘rtog‘i Tatyana Kovalchuk ilk bor ro‘yxatga kirdi va 600 million dollar bilan uchinchi o‘rinni band qildi.
Eng badavlat rossiyalik ayollar beshligiga, shuningdek, milliarder Dmitriy Ribolovlevning sobiq xotini Yelena Ribolovleva (600 million dollar atrofida) va “Progress” kompaniyasi aksiyadori Olga Belyavseva (550 million dollar) ham kirdi.
Jami 25 ayoldan iborat mazkur reyting ishtirokchilariga tegishli mol-mulk rekord summa — 9,9 milliard dollarni tashkil etdi.
Izoh (0)