Birlashgan Arab Amirliklarida 1999-yildan beri o‘tkazib kelinadigan Dubai Duty Free lotereyasida katta miqdordagi pul yutuqlari o‘ynaladi.
Gulf News’ning yozishicha, 22-oktabr kuni ushbu lotereyadagi yirik miqdordagi pul yutug‘i Qozog‘iston fuqarosiga nasib qilgan.
Qozog‘istonlik Husayn Yeremeshev Dubai Duty Free lotereyasidan 1 million dollar yutib oldi. Tashkilotchilar bu xabarni yetkazish uchun unga qo‘ng‘iroq qilgan, biroq bog‘lana olmagan.
Ma’lum bo‘lishicha, Yeremeshev lotereya biletini onlayn sotib olgan. U lotereyada g‘oliblikni qo‘lga kiritgan birinchi qozog‘istonlik emas. Ushbu lotereyada 2015-yilda ham Qozog‘istonning yana bir fuqarosi – Omar Samalikov yutuq egasiga aylangan edi.
Shuningdek, hindistonlik Kamalasanan Nadar Vasu ham 1 million dollar yutib oldi. 56 yoshli Vasu Dubayda qariyb o‘ttiz yildan beri yashaydi. U yutuqni biznesini rivojlantirish uchun olgan kreditlarni to‘lashga sarflamoqchi.
Izoh (0)