Москва собиқ мери Юрий Лужковнинг рафиқаси Елена Батурина қаторасига еттинчи йил Россиянинг энг бадавлат аёллари рейтингини бошқарди. Forbes мамлакатдаги йирик девелоперлик компанияси — Интеко асосчисининг мол-мулкини 1,2 миллиард доллар деб баҳолади, дея хабар бермоқда «РИА Новости».
Рейтингнинг иккинчи поғонасини 1 миллиард доллар атрофидаги капитал билан Wildberries интернет-дўкони асосчиси Татьяна Бакальчук эгаллади.
«Россия» банки бош акциядори Юрий Ковальчукнинг турмуш ўртоғи Татьяна Ковальчук илк бор рўйхатга кирди ва 600 миллион доллар билан учинчи ўринни банд қилди.
Энг бадавлат россиялик аёллар бешлигига, шунингдек, миллиардер Дмитрий Риболовлевнинг собиқ хотини Елена Риболовлева (600 миллион доллар атрофида) ва «Прогресс» компанияси акциядори Ольга Белявсева (550 миллион доллар) ҳам кирди.
Жами 25 аёлдан иборат мазкур рейтинг иштирокчиларига тегишли мол-мулк рекорд сумма — 9,9 миллиард долларни ташкил этди.
Изоҳ (0)