Parij politsiya prefekturasi rahbariyati ekstremistik qarashlari tufayli shikoyat tushgan qariyb 30 nafar huquq-tartibot xodimini tekshiruvdan o‘tkazadi. Bu haqda “RIA Novosti” xabar bermoqda.
Mazkur ma’lumotlar oktabr oyi boshidan, prefektura xodimi hamkasblariga tashlanganidan boshlab yig‘ilgan. O‘shanda prefekt politsiya xodimlari safida radikallashuv alomatlari sezilgan shaxslar haqida zudlik bilan xabar berishga chaqirgandi.
Shikoyatlarda eslatib o‘tilgan 27 politsiyachidan 3 nafari vaqtincha xizmatdan chetlatildi, ikki nafari esa tekshiruv davomida xizmat qurolini topshirishga majbur bo‘ldi.
Eslatib o‘tamiz, Parij politsiya prefekturasining 45 yoshli dasturchisi Mikael Arpon 3-oktabr kuni ish joyida hamkasblariga pichoq bilan tashlangan, buning oqibatida 4 kishi halok bo‘lgandi. Keyinchalik uning mutaassiblikka berilgani aniqlangan.
Izoh (0)