Siyosatchi va Bangladesh parlamenti deputati, “Avami lig” hukmron partiyasi a’zosi Tamanna Nusrat o‘zining o‘rniga imtihonlarni topshirishi uchun sakkiz nafar qiyofadosh ayolni yollagani uchun universitetdan haydaldi, deb yozmoqda “Interfaks”.
Xabarga ko‘ra, parlament a’zosi qiyofasi o‘ziga o‘xshash ayollardan kamida 13 ta yo‘nalishda imtihonlardan o‘tib olishda foydalangan.
Deputatning xiylasi Nagorik TV telekanali muxbiri imtihonlardan reportaj tayyorlash maqsadida universitetga kelib soxta Nusratga mavzu yuzasidan savol bergan vaqtda fosh bo‘lib qoldi.
Tamanna Nusrat Bangladesh ochiq universitetida bakalavr darajasini olgandi, ammo oliygoh rahbari uning jinoyat qilganligini aytib, diplomni bekor qildirdi.
Ta’lim muassasasida ishlovchilardan biri kelishilgan qiyofadoshlar qo‘riqlash xizmati xodimlari bo‘lgan auditoriyada imtihon topshirgani, hamma ushbu nayrangdan boxabar bo‘lgani, ammo Nusrat mamlakatda juda obro‘li oila farzandi bo‘lgani sabab ushbu jinoyatni yashirishga urinilganligini ta’kidladi.
Izoh (0)