Париж полиция префектураси раҳбарияти экстремистик қарашлари туфайли шикоят тушган қарийб 30 нафар ҳуқуқ-тартибот ходимини текширувдан ўтказади. Бу ҳақда «РИА Новости» хабар бермоқда.
Мазкур маълумотлар октябрь ойи бошидан, префектура ходими ҳамкасбларига ташланганидан бошлаб йиғилган. Ўшанда префект полиция ходимлари сафида радикаллашув аломатлари сезилган шахслар ҳақида зудлик билан хабар беришга чақирганди.
Шикоятларда эслатиб ўтилган 27 полициячидан 3 нафари вақтинча хизматдан четлатилди, икки нафари эса текширув давомида хизмат қуролини топширишга мажбур бўлди.
Эслатиб ўтамиз, Париж полиция префектурасининг 45 ёшли дастурчиси Микаэл Арпон 3 октябрь куни иш жойида ҳамкасбларига пичоқ билан ташланган, бунинг оқибатида 4 киши ҳалок бўлганди. Кейинчалик унинг мутаассибликка берилгани аниқланган.
Изоҳ (0)