Rossiya, Eron va Xitoy AQShda 2020-yili bo‘lib o‘tadigan prezidentlik saylovlariga aralashishga urinmoqda. Bu haqda Facebook asoschisi Mark Sukerberg ma’lum qildi, deya xabar beradi Meduza.
“Biz Rossiya, Eron va Xitoy saylovlarga aralashishning tobora murakkab usullarini qo‘llayotganiga guvoh bo‘lyapmiz. Aniqlangan akkauntlar tarmog‘i bu davlatlar bo‘lajak saylovlar chog‘ida faollik ko‘rsatishni rejalashtirganidan dalolat bermoqda”, — dedi Sukerberg.
21-oktabr kuni Facebook Eron va Rossiyaga mansubligi gumon qilingan feyk akkauntlar blokirovka qilingani haqida xabar bergandi. Rossiyada ishlab chiqilgan akkauntlar tarmog‘i Instagram’da 50 ta va Facebook’da bitta soxta sahifani o‘z ichiga olgandi. U yerda konservatizm va liberalizm hamda AQShda 2020-yilgi prezidentlik saylovlari va irqiy muammolar haqidagi materiallar joylashtirilgan.
Izoh (0)