O‘zbekiston Liga Kubogining ikkinchi yarim finalida OKMK jamoasi 22-oktabr, seshanba kuni “Dinamo” bilan kuch sinashdi.
Olmaliqda bo‘lib o‘tgan bahsda Mirjalol Qosimov shogirdlari yirik hisobdagi g‘alabani qo‘lga kiritdi. 6-daqiqada Jasur Hakimov maydon egalarini oldinga olib chiqdi. O‘yin yakunlanishi arafasida Jasur Umarov dubl qayd etgan holda hisobni yirik ko‘rinishga olib keldi.
Shu tariqa ilk bor o‘tkazilayotgan Liga Kubogining final bahsida OKMK va “Paxtakor” jamoalari o‘zaro to‘qnash keladi.
Eslatib o‘tamiz, O‘zbekiston Kubogi finaliga ham ushbu ikki klub yo‘l olgandi.
O‘zbekiston Liga Kubogi
Yarim final
22-oktabr, seshanba
OKMK — “Dinamo” 3:0
Gollar: 1:0 — 6 Jasur Hakimov, 2:0 — 83 Jasur Umarov, 3:0 — 85 Jasur UmarovYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)