O‘zbekiston Liga Kubogining birinchi yarim finali doirasida “Qo‘qon-1912” jamoasi 22-oktabr, seshanba kuni “Paxtakor” bilan kuch sinashdi.
Qo‘qonda bo‘lib o‘tgan bahsda Shota Arveladze shogirdlarining qo‘li baland keldi. Uchrashuvning 5-daqiqasida Dragan Cheran mehmonlarni oldinga olib chiqqan bo‘lsa, oradan ikki daqiqa o‘tib Suhrob Berdiyev penaltidan gol urib, muvozanatni tikladi.
Birinchi bo‘limga qo‘shib berilgan vaqtda Odil Hamrobekov “Paxtakor”ning ikkinchi golini urgan bo‘lsa, 59-daqiqada Igor Sergeyev ham o‘z hisobiga gol yozdirib qo‘ydi. 79-daqiqada Doston Hamdamov poytaxtliklarning yana bir goliga muallif bo‘ldi. Shahboz Erkinovning kiritgan to‘pi o‘yinga so‘nggi nuqtani qo‘ydi.
Shu tariqa ushbu g‘alabadan so‘ng “Paxtakor” Liga Kubogining ilk finalchisiga aylandi. Ikkinchi yarim final bahsi OKMK va “Dinamo” jamoalari o‘rtasida kechadi.
O‘zbekiston Liga Kubogi
Yarim final
22-oktabr, seshanba
“Qo‘qon-1912” — “Paxtakor” 2:4
Gollar: 0:1 — 5 Dragan Cheran, 1:1 — 7, penalti Suhrob Berdiyev, 1:2 — 45+2 Odil Hamrobekov, 1:3 — 59 Igor Sergeyev, 1:4 — 79 Doston Hamdamov, 2:4 — 80 Shahboz ErkinovYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)