Xitoyning birlashuvi Pekin hech qachon ortga chekinmaydigan mamlakatning bosh milliy manfaati bo‘lib qoladi. Bu haqda XXR mudofaa vaziri Vey Fenxe xavfsizlik masalalari bo‘yicha IX Syanshan forumi ochilish marosimida ma’lum qildi, deya xabar beradi “RIA Novosti”.
“Xitoy hali to‘liq birlashishi lozim bo‘lgan dunyodagi yagona yirik davlat bo‘lib turibdi. Buning uchun zarur bo‘lgan Tayvan masalasining hal etilishi biz uchun bosh milliy manfaat hisoblanadi”, — dedi Xitoy mudofaa vaziri.
Uning aytishicha, bu barcha xitoyliklar intilishi kerak bo‘lgan to‘g‘ri yo‘l sanaladi.
“Hech kim, hech qanday kuch Xitoyning birlashishiga to‘sqinlik qila olmaydi. Biz Tayvan bo‘g‘ozining ikki tomoni o‘rtasida munosabatlar do‘stona rivojlanib borishi va mamlakat tinch yo‘l bilan birlashishi tarafdorimiz”, — deya ta’kidladi Vey Fenxe.
Izoh (0)