Xitoy ilk bor badavlat insonlar soni bo‘yicha AQShdan o‘zib ketdi. Bu haqda “Izvestiya” xabar bermoqda.
Shveysariyaning Credit Suisse banki ekspertlariga ko‘ra, Xitoyda bugungi kunda boylar soni 100 million, AQShda esa 99 million kishini tashkil etmoqda.
Qo‘shma Shtatlar va Xitoy o‘rtasidagi savdo nizolariga qaramay, ikki mamlakat ham moddiy boyliklar yaratish bobida sezilarli muvaffaqiyatlarga erishdi. Bu ko‘rsatkich tegishli ravishda 3,8 va 1,9 trillion dollarni tashkil etdi, — deya qayd qildi Credit Suisse eksperti Nannet Xechler-Faydxerbe.
Shu bilan birga, Xitoy millionerlar soni bo‘yicha hamon AQShdan ortda qolmoqda. Xitoyda 4,4 million kishi 1 million dollar va undan ko‘proq mol-mulkka ega bo‘lsa, Qo‘shma Shtatlarda bunday kishilar soni 18,6 millionni tashkil etmoqda.
Izoh (0)