Хитойнинг бирлашуви Пекин ҳеч қачон ортга чекинмайдиган мамлакатнинг бош миллий манфаати бўлиб қолади. Бу ҳақда ХХР мудофаа вазири Вей Фенхе хавфсизлик масалалари бўйича IX Сяншань форуми очилиш маросимида маълум қилди, дея хабар беради «РИА Новости».
«Хитой ҳали тўлиқ бирлашиши лозим бўлган дунёдаги ягона йирик давлат бўлиб турибди. Бунинг учун зарур бўлган Тайван масаласининг ҳал этилиши биз учун бош миллий манфаат ҳисобланади», — деди Хитой мудофаа вазири.
Унинг айтишича, бу барча хитойликлар интилиши керак бўлган тўғри йўл саналади.
«Ҳеч ким, ҳеч қандай куч Хитойнинг бирлашишига тўсқинлик қила олмайди. Биз Тайван бўғозининг икки томони ўртасида муносабатлар дўстона ривожланиб бориши ва мамлакат тинч йўл билан бирлашиши тарафдоримиз», — дея таъкидлади Вей Фенхе.
Изоҳ (0)