Avstraliyaning yetakchi gazetalari bosh sahifasidagi matnlari marker bilan bo‘yalgan holda nashr etildi. Ushbu aksiya gazetalar erkinligini “bo‘g‘ib qo‘ygan” milliy xavfsizlik to‘g‘risidagi Avstraliya qonunlariga qarshi qaratilgan, deb yozmoqda Meduza.
Ushbu norozilik aksiyasida mamlakatdagi 20 dan ortiq nashr, telekompaniya va yangiliklar saytlari, jumladan, Avstraliyaning eng ommaviy gazetalari The Daily Telegraph, Herald Sun, The Advertiser ham ishtirok etgan. Nashrlarning birinchi sahifasidagi bo‘yalgan matn yuqorisiga kinoya bilan “maxfiy” tamg‘asi ham bosilgan.
Sydney Morning Herald gazetasi bosh muharriri Liza Devis bu kampaniya jurnalistlar erkinligi uchun emas, balki Avstraliyada demokratiya ta’minlanishi uchun qilinayotganligini ma’lum qilgan.
Nashr jurnalistik surishtiruv o‘tkazgan mualliflar va ularga ma’lumot berganlarni 2018-yilda Avstraliyada qabul qilingan josuslikka aloqador qonunga ko‘ra ta’qib qilinmasliklarini talab qilmoqda.
20-oktabr, yakshanba kuni Avstraliya hukumati Avstraliya radioeshittirish korporatsiyasi va News Corp Australia kompaniyasida 2019-yil iyunida surishtiruv o‘tkazganligi uchun uch nafar jurnalistning sud qilinishini e’lon qilgan. Surishtiruvlar asosida ABC’ning harbiy jinoyatlarga aloqador ma’lumotlari, ya’ni mamlakat harbiylarining Afg‘onistondagi harakatlari haqida hamda Avstraliya maxsus xizmatlari fuqarolarni qay tarzda xufiyona kuzatishi to‘g‘risida (The Daily Telegraph gazetasida chop etilgan) bo‘lgan. Ikkala maqola ham maxfiy ma’lumotlar asosida yozilgan.
Izoh (0)