MBS News Eron xakerlarining Bahrayn futbol federatsiyasining rasmiy saytiga “buzib kirish”ni amalga oshirganliklarini xabar qildi.
Ushbu hodisa bahraynlik futbol muxlislarining 15-oktabrda Manamada o‘tgan Jahon chempionati-2022 saralash uchrashuvi vaqtida Eron madhiyasiga nisbatan hurmatsizlik qilgani va uni hushtakvozlik bilan qarshi olgani sabab bo‘lgan.
“Biz Eron sha’niga aytilgan har qanday haqoratni javobsiz qoldirmaymiz. Eronliklar haqoratni jim turib qarshi oladigan xalq emas. Eron milliy madhiyasini eshitmagan bo‘lsangiz, endi uni tinglashga majbur bo‘lasiz”, — degan yozuv qoldirgan fors xakerlari Bahrayn futbol federatsiyasining rasmiy saytida.
Eron hamda Bahrayn terma jamoalari o‘rtasida o‘tgan Jahon chempionati – 2022 saralash uchrashuvida forslar raqibga 0:1 hisobi bilan imkoniyatni boy bergan.
Mavzuga doir: O‘zbekiston peshqadam, Eron nihoyat to‘xtatildi va koreyslarning murosasi. JCh—2022 saralashi guruhlaridagi vaziyat