2019-yil 16-oktabr, chorshanba kuni Toshkent shahridagi “Universal” sport saroyida bo‘lib o‘tgan karate bo‘yicha o‘smirlar, yoshlar va kattalar o‘rtasidagi O‘zbekiston kubogi musobaqasida yuz bergan nizoli holat yuzasidan Jismoniy tarbiya va sport vazirligi bayonot berdi.
Ta’kidlanishicha, musobaqa hakami Azizbek Bo‘riyev Toshkent viloyati “Chempion” karate sport klubi murabbiyi Dilshod Yusupov hamda Surxondaryo viloyati karate milliy federatsiyasi murabiyyi Abdulaziz Ismatullayevlar o‘rtasida musobaqa yakuniy natijasi yuzasidan o‘zaro tortishuv kelib chiqqan.
Qayd etilishicha, mazkur kelishmovchilik oqibatida hech kim tan jarohati olmagan. Ushbu holat yuzasidan O‘zbekiston karate milliy federatsiyasi yuqoridagi sport mutaxassislariga nisbatan xizmat tekshiruvi tayinlagan.
Tekshiruv yakuni yuzasidan O‘zbekiston karate milliy federatsiyasi hakami Azizbek Bo‘riyevni ikki yilga hakamlik ish faoliyatidan chetlatish, Abdulaziz Ismatullayevni uch yilga va Dilshod Yusupovni ikki yilga murabbiylik faoliyatidan chetlatish haqida qaror qabul qiligan. Musobaqa bosh hakami Qosimjon Qoraboyevga esa hayfsan e’lon qilingan.O‘z navbatida O‘zbekiston Respublikasi Jismoniy tarbiya va sport vazirligi mazkur holat ishtirokchisi, karate bo‘yicha O‘zbekiston o‘smirlar milliy terma jamoasi katta murabbiyi hamda oliy toifali murabbiy Azizbek Bo‘riyevni Vazirlar Mahkamasining 2012-yil 14-iyundagi 173-son qarori bilan tasdiqlangan Sport terma jamoalari to‘g‘risidagi nizomga ko‘ra ma’naviy-axloqiy va boshqa normalarni buzilganligi sababli milliy terma jamoa tarkibidan chiqargan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)