Barselonadagi norozilik namoyishlari sabab Ispaniya chempionatining 10-turidan o‘rin olgan “Barselona” — “Real” uchrashuvini boshqa kunga ko‘chirish borasida muzokaralar bo‘lib o‘tmoqda, deya xabar qilmoqda Mundo Deportivo.
La Liga rahbariyati tijoriy masalalarni ko‘zlagan holda o‘yinni dam olish kunida maqsad qilgan va uchrashuvni 7-dekabrda o‘tkazishni taklif qilgan. Ispaniya futbol federatsiyasi musobaqalar o‘tkazish bo‘limi esa o‘yinni 18-dekabr, chorshanba kuniga ko‘chirishni taklif etgan.
Eslatib o‘tamiz, Primera 10-turidan o‘rin olgan bahs 26-oktabr kuni Barselonadagi “Kamp Nou” stadionida bo‘lib o‘tishi kerak edi.
Mavzuga doir: Barselonada kataloniyalik siyosatchilarning qamoq jazosiga hukm qilinishiga qarshi ommaviy namoyish boshlandi (foto)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)