O‘zbekiston futbol assotsiatsiyasi “Iftixor” va “Rash Milk” futbol klublarining litsenziyasini olib qo‘ydi.
Bayonotda ta’kidlanishicha, mazkur ikki klub kelishilgan aloqador ekanligi aniqlangan.
“O‘zbekiston futbol assotsiatsiyasi Osiyo futbol konfederatsiyasi bilan hamkorlik natijasida “A” Pro-liga ishtirokchisi “Iftixor” hamda “B” Pro-ligada ishtirok etib kelayotgan “Rash Milk” futbol klublarining kelishilgan o‘yinlarga aloqador ekanligi, shuningdek, Reglament talablarini qo‘pol ravishda buzib kelayotgani aniqlandi.
Shu sababdan O‘FAning Intizom va odob-ahloq va Litsenziyalash qo‘mitalarining qaroriga asoslanib PFL tomonidan 2019-yilgi mavsumda “Rash Milk” futbol klubiga O‘zbekiston chempionatining “B” Pro-ligada, “Iftixor” futbol klubiga esa “A” Pro-ligada ishtirok etish uchun berilgan litsenziyalarning amal qilishi tugatildi va ushbu ikki klub musobaqalardan chetlashtirildi”, — deyiladi bayonotda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)