Sulaymonov tadbirdan so‘ng “O‘zbekiston 24” informatsion dasturiga bergan intervyusida davlat rahbari ishtirokidagi yig‘ilishda qishloq xo‘jaligini rivojlantirish va eksportbop mahsulotlar tayyorlashga ilmiy yondashish kerakligi ta’kidlanganini aytib o‘tgan edi.
Rektor intervyu davomida O‘zbekistonda shu vaqtgacha bog‘dorchilik va uzumchilik sohasi bo‘yicha mutaxassislar tayyorlanmaganini ta’kidlagan (aynan iqtibos: “Haqiqatan ham bizda shu vaqtgacha bog‘dorchilik bo‘yicha yoki uzumchilik sohasi bo‘yicha mutaxassislar tayyorlangan emas”).
Toshkent davlat agrar universiteti saytida keltirilgan ma’lumotlariga ko‘ra, Vazirlar Mahkamasining 2010-yil avgustdagi farmoyishiga asosan, meva-sabzavotchilik va uzumchilik yo‘nalishlari bo‘yicha malakali kadrlar tayyorlash sifatini yanada oshirish maqsadida oliygohda Meva-sabzavotchilik va uzumchilik fakulteti tashkil etilgan.
Izoh: Xabarning dastlabki tahririda uning sarlavhasi “Agrar universitet rektori O‘zbekistonda shu vaqtgacha bog‘dorchilik va uzumchilik mutaxassislari tayyorlanmaganini aytdi. Vaholanki universitetda Meva-sabzavotchilik va uzumchilik fakulteti bor” ko‘rinishida edi. Universitet ushbu xabar bo‘yicha raddiya berib, haqiqatan ham shu kungacha mevachilik (bog‘dorchilik) va uzumchilik bo‘yicha tor mutaxassislar tayyorlanmaganini ma’lum qildi.
Izoh (0)