Сулаймонов тадбирдан сўнг «Ўзбекистон 24» информацион дастурига берган интервьюсида давлат раҳбари иштирокидаги йиғилишда қишлоқ хўжалигини ривожлантириш ва экспортбоп маҳсулотлар тайёрлашга илмий ёндашиш кераклиги таъкидланганини айтиб ўтган эди.
Ректор интервью давомида Ўзбекистонда шу вақтгача боғдорчилик ва узумчилик соҳаси бўйича мутахассислар тайёрланмаганини таъкидлаган (айнан иқтибос: «Ҳақиқатан ҳам бизда шу вақтгача боғдорчилик бўйича ёки узумчилик соҳаси бўйича мутахассислар тайёрланган эмас»).
Тошкент давлат аграр университети сайтида келтирилган маълумотларига кўра, Вазирлар Маҳкамасининг 2010 йил августдаги фармойишига асосан, мева-сабзавотчилик ва узумчилик йўналишлари бўйича малакали кадрлар тайёрлаш сифатини янада ошириш мақсадида олийгоҳда Мева-сабзавотчилик ва узумчилик факультети ташкил этилган.
Изоҳ: Хабарнинг дастлабки таҳририда унинг сарлавҳаси «Аграр университет ректори Ўзбекистонда шу вақтгача боғдорчилик ва узумчилик мутахассислари тайёрланмаганини айтди. Ваҳоланки университетда Мева-сабзавотчилик ва узумчилик факультети бор» кўринишида эди. Университет ушбу хабар бўйича раддия бериб, ҳақиқатан ҳам шу кунгача мевачилик (боғдорчилик) ва узумчилик бўйича тор мутахассислар тайёрланмаганини маълум қилди.
Изоҳ (0)