2017-yilda Ispaniyadan ajralib chiqish to‘g‘risida referendum uyushtirgan Kataloniya siyosatchilari qamoq jazosiga hukm qilindi. Kataloniyaning sobiq prezidenti Oriol Xunkeras 13 yilga qamaldi, deb xabar beradi Bloomberg.
Mintaqadagi hukumatda yuqori lavozimlarni egallagan sakkiz kishi to‘qqiz yildan o‘n ikki yilgacha bo‘lgan muddatga ozodlikdan mahrum etildi.
Kataloniyaning o‘sha paytdagi yetakchisi, jarayonni boshlagan Karlos Puchdemon esa Belgiyaning Bryussel shahrida quvg‘inda qolmoqda.
Kataloniya poytaxti Barselonada siyosatchilar ustidan sud jarayoni tufayli norozilik namoyishlari boshlandi.
Qayd etilishicha, politsiya shaharning bosh vokzalida o‘tirib namoyish o‘tkazayotgan olomonni tarqatib yuborgan.
Kataloniya mustaqilligi to‘g‘risidagi referendum 2017-yil 1-oktabr kuni o‘tkazilgan edi. O‘shanda ovoz beruvchilarning 90 foizi mintaqaning Ispaniya tarkibidan ajralib chiqishini yoqlagan edi. Shundan so‘ng Puchdemon Kataloniya mustaqilligi haqidagi deklaratsiyani imzolagan va barcha dunyo mamlakatlarini Kataloniyani suveren davlat deb tan olishga chaqirgan edi.
Markaziy hukumat referendum o‘tkazilishiga qarshilik ko‘rsatishga uringan, jumladan, kuchishlatar tizimlarni ishga solgan edi. Qarshilik chog‘ida 893 kishi jabrlangan edi.
Madrid referendum natijalarini tan olmagan edi.
Izoh (0)