Rasmiy Damashq Suriya shimoli-sharqidagi Turkiyaning harbiy harakatlariga javob tariqasida u yerga o‘z qo‘shinini yubordi. Bu haqda mamlakatdagi OAV, xususan Sana axborot agentligi xabar tarqatgan.
“Suriya harbiy guruhlari mamlakat shimoliga yo‘l oladi va u yerda hududdagi turk harbiylarining tajovuzkorligiga qarshi kurashadi”, − deyilgan xabarlarda.
Rasmiy Damashqning ushbu harakatlarni qay tarzda amalga oshirishi haqida ma’lumot berilmagan. Bashar Asad hukumati bu qarorni turklar bilan urushayotgan kurd guruhlari bilan kelishuvdan keyin chiqargan.
Agentlikning xabar berishicha, Suriya hukumat qo‘shinlari Ayn-Isa shahriga kirib borgan, harbiylar Rakka viloyatidagi bir nechta qishloqda nazorat o‘rnatgan. Shuningdek, rasmiy Damashq harbiylari Frot daryosidagi GES yaqinida joylashgan aerodromni ham egallagan.
Ma’lumotlarga ko‘ra mahalliy aholi Suriya qo‘shiniga shaharga kiraverishda kutib olgan.
Avval Suriyaning hukumatga qarashli harbiylarining kurdlar joylashgan hududlarda Turkiya agressiyasiga qarshi turish maqsadida joylashtirilayotgani xabar qilingandi.
9-oktabrda Turkiya Suriya shimoli-sharqida Suriya himoya kuchlari kurdlar jangarilariga qarshi “Tinchlik bulog‘i” operatsiyasini boshlagan.
Natijada jahon hamjamiyati Anqaraning ushbu harakatlarini qoralagan. Turkiyaning ushbu harbiy operatsiyadan ko‘zlagan maqsadi kurdlarni mamlakatdan siqib chiqarib, Suriya chegarasidagi 30 kilometr kenglikka ega hududda qochoqlar ko‘chirilishi uchun “xavfsiz zona” tuzish.
Mavzuga doir:
Izoh (0)