Minnesotadagi Mayo shahrida joylashgan klinikaning shifokorlari elektron sigareta chekish oqibatida kasal bo‘lib qolgan bemorlarning o‘pkasini biopsiyadan o‘tkazib, epidemiyaning tarqalishiga nima sabab bo‘lganini taxmin qildi. Tadqiqot natijalari The New England Journal of Medicine jurnalida e’lon qilindi.
Tibbiyot fanlari doktori, o‘pka patologiyasi bo‘yicha ekspert Brendon Larsen o‘pkalarning zararlanishiga va AQShning turli shtatlarida vafot etgan bemorlarning o‘limiga veypdan chiqadigan toksik gaz yoki zaharli kimyoviy bug‘ sabab bo‘lganini ma’lum qilmoqda. Tadqiqotchilar 17 nafar bemorning o‘pkasini o‘rganib, dastlabki taxminlarda keltirilgan lipidlar — mineral yog‘lar yo‘qligini aniqladi.
Ta’kidlanishicha, Mayo klinikasi o‘zining ikki hamda boshqa shtatlardagi 15 nafar bemorda biopsiya o‘tkazgan. Barcha bemorlar tadqiqotlarni davom ettirish uchun klinikaga yuborilgan. Ma’lumotlarga ko‘ra, ularning 71 foizi marixuana yoki nasha yog‘i mavjud veyplarni chekkan.
Avvalroq, elektron sigaretalar ishlab chiqarish bilan shug‘ullanuvchi Juul Labs kompaniyasi rahbari Kevin Berns iste’foga chiqqan edi. Bunga AQShda elektron sigaretalar oqibatida vafot etganlar soni 10 nafarga yetgani sabab bo‘lgan.
Veyp chekuvchilarning o‘limi sabab AQSh hukumati maktab o‘quvchilari orasida urf bo‘lgan aromotizator qo‘shimchalar, mentol va meva ta’mli aralashmalar bilan elektron sigaretalar chekishni taqiqlamoqchi.
Izoh (0)