1-oktabrda o‘tgan Turkmaniston Vazirlar Mahkamasi hamda Xavfsizlik kengashi qo‘shma yig‘ilishida prezident Gurbanguli Berdimuhammedov “Turkman otlari” (“Türkmen atlary”) davlat birlashmasi faoliyatini tanqid qilgan.
“Turkmenistan Segodnya” axborot agentligi xabariga ko‘ra, prezident birlashmada mehnat tartib-qoidalariga bo‘ysunishda sustkashlikka yo‘l qo‘yilgani, shuningdek otlar bilan mashqlar o‘tkazish va ularni o‘rgatishda ko‘plab normalarga amal qilinmagani, natijada axaltekin otlariga nisbatan noto‘g‘ri munosabatda bo‘linganini ta’kidlagan.
Barcha kamchiliklar uchun mas’uliyat birlashma rahbari Mergennepes Annanepesov zimmasida bo‘lgani sabab u davlat rahbari tomonidan egallab turgan lavozimidan ozod qilingan.
Avval ushbu qo‘shma yig‘ilishda Berdimuhammedov Turkmaniston Ichki ishlar vazirligi faoliyatini keskin tanqid qilgani va vazir Iskandar Mulikovni ishdan haydagani, Ichki ishlar sobiq vazirining davlat mukofotlaridan mahrum qilingani va qamalashi mumkinligi xabar qilingandi.
Mavzuga doir:
Izoh (0)