Iroq poytaxti Bag‘dod shahridagi norozilik namoyishlari politsiya bilan to‘qnashuvlarni keltirib chiqardi. Bu haqda Al-Arabiya xabar berdi.
Reuters axborot agentligi besh kishining halok bo‘lgani va 115 nafar kishining jarohatlanganini ma’lum qilgan.
Dastavval huquq-tartibot organlari xodimlari rezina o‘qlar, ko‘zdan yosh oqizuvchi gaz va ogohlantiruvchi o‘q otgan.
Davlat organlari vakillari rasmiy ma’lumotlarda namoyishchilarni zo‘ravonlikda ayblagan hamda jarohatlanganlar orasida 40 nafar politsiyachi borligini aytgan.
Iroq poytaxtidagi norozilik namoyishlari 1-oktabr, seshanba kuni boshlandi. Namoyishlarga aholining ishsizlik, korrupsiya va ijtimoiy xizmatlar ishining sifatsizligi yuzasidan noroziligi sabab bo‘lgan.
Mamlakat bosh vaziri Abdul Mahdi ma’lumotga ega fuqarolarni ishga joylashtirishga, shuningdek, xorijiy kompaniyalardagi 50 foiz ish o‘rnini mahalliy aholiga berishga va’da berdi.
Izoh (0)