AQSh Federal qidiruv byurosi Facebook ijtimoiy tarmog‘iga Amerika maxsus xizmatlariga yordam so‘rab rus tilida reklama joylashtirgan, deb xabar beradi CNN.
Bu kabi reklama postlarining jami soni uchta. Manbalarning so‘zlariga ko‘ra, reklamalar joriy yilning yozida joylashtirilgan.
Xabarlarning barchasi illyustratsiyalangan. Ularning birida OTM bitiruvchisi o‘z onasi bilan tasvirlangan bo‘lib, ostiga “O‘zingiz va oilangiz kelajagi uchun!” deb yozilgan. Ikkinchisida esa shaxmat donachasining tasviri ostiga “O‘z yurishingizni qilish vaqti kelmadimi?” deya qayd etilgan. So‘nggi xabar suratida ko‘prik bo‘ylab harakatlanayotgan erkak va “Ko‘priklar qurish vaqti keldi” deb yozilgan.
E’lonlar foydalanuvchilarni FQBning Vashingtondagi mintaqaviy kontrrazvedka bo‘linmasiga qarashli sayt dasturiga yo‘naltirgan. Dastur sahifasida bo‘linmaning ishi to‘g‘risida ma’lumot berilgan: “FQB jamoatchilik tomonidan olingan ma’lumotlar yordamida ko‘proq tahdidni yengadi. Agar sizda FQBga uning vazifasini bajarishda yordam beradigan ma’lumotlar bo‘lsa, iltimos, ushbu manzil bo‘yicha bizning ofisimizga tashrif buyuring”.
Izoh (0)