Buxoroda viloyati IIB YHXB inspektori tomonidan joriy yil iyun oyida maxsus avtomatlashtirilgan fotoradar moslamasi orqali yo‘l harakati qoidalari buzilishi aniqlangan.
Unga ko‘ra, joriy yil 14-iyun kuni Kogon shahri, A-380 avtoyo‘lining 295-206 kilometrida Ford D rusumli, 80 E 525 JA davlat raqam belgili transport vositasi haydovchisi tomonidan tezlik soatiga 70 kilometr bilan chegaralangan joyda soatiga 121 kilometr tezlikda harakatlangan. Haydovchiga nisbatan O‘zbekiston Respublikasi MJtKning 128X3 moddasi 3-qismida nazarda tutilgan chora qo‘llanilgan. Unga 1 824 570 so‘m miqdorida jarima belgilangan.
Biroq, Shofirkon tumanidagi “Do‘rmon” QFY Shibirg‘on qishlog‘ida yashovchi Lola Hayitova “Daryo”ga murojaatida Buxoro viloyati IIB YHXB katta inspektori Iskandar To‘xtayev tomonidan unga nisbatan qo‘llanilgan huquqbuzarlikning noto‘g‘ri ekanligini bayon etgan.
Murojaat egasining bildirishicha, maxsus avtomatlashtirilgan fotoradar moslamasida 80 E 525 JA davlat raqamli Ravon avtomashinasi surati tushib qolgan. Unga tegishli avtomashina esa Ford D rusumli 80 E 525 JA bo‘lgan. Bu haqda tegishli idoralarga ma’lum qilganiga qaramasdan, Majburiy ijro byurosi Shofirkon tumani bo‘limi tomonidan 1 824 570 so‘m ma’muriy jarima o‘z vaqtida to‘lanmasa, jarima miqdori 5 million 100 ming so‘mga tenglashtirilishi bildirilgan.
“Daryo” muxbiri tomonidan Shofirkon tumani YHXB fuqaro L.Hayitovaga nisbatan IIB YHXB bazasi orqali noto‘g‘ri jarima qo‘llanganiga aniqlik kiritildi.
— Bo‘lim davlat ijrochisi tomonidan ijro hujjatida kamchilikka yo‘l qo‘yilgan. Shu sabab hujjatlar “Sud hujjatlari va boshqa organ hujjatlarini ijro etish to‘g‘risida”gi qonunning 8-24-moddalariga asosan ijro hujjatini taqdim qilgan organ, ya’ni Buxoro viloyati IIB YXHBga qaytarildi, — dedi MIB Shofirkoni tuman bo‘limi boshlig‘i, adliya masalahatchisi Oybek Izzatullayev.
Izoh (0)