Бухорода вилояти ИИБ ЙҲХБ инспектори томонидан жорий йил июнь ойида махсус автоматлаштирилган фоторадар мосламаси орқали йўл ҳаракати қоидалари бузилиши аниқланган.
Унга кўра, жорий йил 14 июнь куни Когон шаҳри, А-380 автойўлининг 295-206 километрида Ford D русумли, 80 E 525 JA давлат рақам белгили транспорт воситаси ҳайдовчиси томонидан тезлик соатига 70 километр билан чегараланган жойда соатига 121 километр тезликда ҳаракатланган. Ҳайдовчига нисбатан Ўзбекистон Республикаси МЖтКнинг 128Х3 моддаси 3-қисмида назарда тутилган чора қўлланилган. Унга 1 824 570 сўм миқдорида жарима белгиланган.
Бироқ, Шофиркон туманидаги «Дўрмон» ҚФЙ Шибирғон қишлоғида яшовчи Лола Ҳайитова «Дарё»га мурожаатида Бухоро вилояти ИИБ ЙҲХБ катта инспектори Искандар Тўхтаев томонидан унга нисбатан қўлланилган ҳуқуқбузарликнинг нотўғри эканлигини баён этган.
Мурожаат эгасининг билдиришича, махсус автоматлаштирилган фоторадар мосламасида 80 E 525 JA давлат рақамли Ravon автомашинаси сурати тушиб қолган. Унга тегишли автомашина эса Ford D русумли 80 E 525 JA бўлган. Бу ҳақда тегишли идораларга маълум қилганига қарамасдан, Мажбурий ижро бюроси Шофиркон тумани бўлими томонидан 1 824 570 сўм маъмурий жарима ўз вақтида тўланмаса, жарима миқдори 5 миллион 100 минг сўмга тенглаштирилиши билдирилган.
«Дарё» мухбири томонидан Шофиркон тумани ЙҲХБ фуқаро Л.Ҳайитовага нисбатан ИИБ ЙҲХБ базаси орқали нотўғри жарима қўлланганига аниқлик киритилди.
— Бўлим давлат ижрочиси томонидан ижро ҳужжатида камчиликка йўл қўйилган. Шу сабаб ҳужжатлар «Суд ҳужжатлари ва бошқа орган ҳужжатларини ижро этиш тўғрисида»ги қонуннинг 8-24-моддаларига асосан ижро ҳужжатини тақдим қилган орган, яъни Бухоро вилояти ИИБ ЙХҲБга қайтарилди, — деди МИБ Шофиркони туман бўлими бошлиғи, адлия масалаҳатчиси Ойбек Иззатуллаев.
Изоҳ (0)