Samarqand shahrining Ogahiy ko‘chasida 6-sentabr kuni qarovsiz qoldirilgan Damas’ning salonidan noma’lum shaxs 2 ming dollar pulni o‘g‘irlab ketgan. Jabrlanuvchi ushbu holat yuzasidan 9-sentabr kuni ichki ishlar bo‘limiga ariza bilan murojaat qilgan.
“O‘tkazilgan tezkor tadbir natijasida ushbu jinoyatni Samarqand shahri Navoiy shoh ko‘chasida yashovchi 39 yoshli A.T. sodir etganligi aniqlanib, ushlangan”, — deyiladi O‘zbekiston IIV Jamoatchilik va OAV bilan aloqalar boshqarmasi axborotida.
Qayd etishlaricha, holat yuzasidan jinoyat ishi qo‘zg‘atilgan, tergov harakatlari olib borilmoqda.
Izoh (0)