Ukraina Oliy radasi 2020-yildan konstitutsiyaga kiritiladigan deputatlik daxlsizligini bekor qiluvchi o‘zgartirishlarni ma’qulladi, deb xabar beradi “Interfax-Ukraina”.
373 ta xalq deputati yangi qonun loyihasini ma’qullagan. O‘zgarishlarni “Xalq xizmatchisi” partiyasidan 252 nafar deputat qo‘llab-quvvatlagan.
Qonun kuchga kirganidan so‘ng Ukraina konstitutsiyasidan deputatlarni parlament roziligisiz jinoiy javobgarlikka tortish, hibsga yoki qamoqqa olishni taqiqlovchi deputatlik daxlsizligi kafolatlanganligi to‘g‘risidagi nizom chiqarib tashlanadi.
Deputatlar parlament va uning organlarida ovoz berishda hamda o‘z fikrini bayon qilganliklari uchun qonun oldida javobgar bo‘lmaydi. Biroq, haqorat yoki tuhmat uchun javobgarlik bundan mustasno.
“Men yana bir bor barcha afsonalar va siyosiy manipulyatsiyaga nuqta qo‘ymoqchiman. Deputatlar mustaqillikni saqlab qoladi. Ular siyosiy qarorlar, ovoz berish yoki istalgan turdagi siyosiy va ommaviy chiqishlarga javobgar bo‘lmaydi”, — dedi Ukraina prezidenti Vladimir Zelenskiy 3-sentabr kuni parlamentda so‘zlagan nutqida.Avvalroq Vladimir Zelenskiy prezidentlikning ilk 100 kunidan so‘ng “Xalq xizmatkori” serialida bosh vazir rolini ijro etgan aktyorga intervyu bergani haqida xabar berib, intervyuning qisqa bayonini e’lon qilgandik.
Izoh (0)