The Economist eng xavfsiz shaharlar reytingini e’lon qildi. Undan Markaziy Osiyo shaharlari o‘rin olmadi

The Economist jurnali kompleks xavfsizlik nuqtai nazaridan dunyoning 60 ta eng yirik shaharlarini baholadi, deb yozmoqda Meduza.

Reytingda birinchi o‘rinni Tokio egalladi. Undan keyin Singapur va Osaka shaharlari o‘rin oldi. Kuchli beshtalikka, shuningdek, Amsterdam va Sidney shaharlari ham kirdi.

Ro‘yxatning quyi pog‘onalaridan Yangon (Myanmaning sobiq poytaxti), Karakas va Lagos (Nigeriyaning yirik port shahri) shaharlari o‘rin olgan.

Reyting tuzuvchilar dunyoning eng yirik shaharlarini raqamli xavfsizlik, sog‘liqni saqlash, infrastruktura xavfsizligi, shuningdek, shaxsiy xavfsizlik kabi jami 57 ta ko‘rsatkich bo‘yicha baholagan.

Eng xavfsiz shaharlar reytingidan O‘zbekiston shaharlari ham, Markaziy Osiyodagi boshqa shaharlar ham o‘rin olmagan.