“Toshkent—Volgograd” poyezdida 47 kilogramm nosvoy olib ketayotgan o‘zbekistonlik fuqaro qo‘lga olindi. Bu haqda Qozog‘iston Milliy xavfsizlik qo‘mitasi chegara xizmatiga tayanib, “NewTimes.kz” xabar berdi.
Ma’lumotlarga ko‘ra, voqea Aqto‘be viloyatidagi “Jaysan” chegara postida yuz bergan. 323-raqamli “Toshkent—Volgograd” poyezdi tekshirilganida 1995-yilda tug‘ilgan O‘zbekiston fuqarosi 47 kilogramm nos olib ketayotgani aniqlangan.
Xuddi shu poyezdning o‘zida yana bir o‘zbekistonlik fuqaro qo‘lga olingan. 1981-yilda tug‘ilgan fuqaro 212 kilogramm xalq iste’moli mollarini olib ketishga uringan.
Izoh (0)