“Dorian” bo‘roni Bagam orollari sohillariga yetib keldi, deya xabar bermoqda AQSh Milliy meteorologiya xizmati. Bo‘ron Saffir-Simpson shkalasi bo‘yicha eng yuqori — beshinchi kategoriyagacha kuchaygan. AQShning Florida va Jorjiya shtatlarida allaqachon favqulodda holat tartibi e’lon qilingan (avvalroq Janubiy Karolinada ham shunday qilingani haqida xabar berilgan edi).
More video out of Abaco it's like a tornado went through the place pic.twitter.com/0EkdwPGkjp
— Latrae L. Rahming (DOC)🇧🇸 (@latraelrahming) September 1, 2019
Meteorologlarning baholashlariga ko‘ra, “Dorian” so‘nggi 30 yildagi eng kuchli bo‘ronga aylanishi mumkin, deya xabar bermoqda “Kommersant”. “Bo‘ron markazida shamolning tezligi soatiga 298 kilometrgacha, ayrim o‘rinlarda 354 kilometrgacha kuchaymoqda”, — deyiladi xabarda. Bo‘ron Bagam orollaridagi eng katta ikkinchi orol — Abakoga yopirilib, vayronagarchiliklarga sabab bo‘lgan.
More devastating footage from the Abacos islands, #Bahamas this afternoon lots of areas affected by the #StormSurge and plenty of wind damage! #Dorian2019 #Dorian #hurricanedorian report @Brendeaaa pic.twitter.com/hgz56ZILsM
— WEATHER/ METEO WORLD (@StormchaserUKEU) September 1, 2019
Tabiiy ofat tahdid solayotgan shtatlar ma’muriyati aholini bo‘ronning kelishiga tayyorgarlik ko‘rishga — suv, konservalar va birinchi galda zarur buyumlar zaxirasini tayyorlab qo‘yishga chaqirgan. Floridada bo‘ron oqibatlariga qarshi kurashish uchun Milliy gvardiyaning 2,5 ming a’zosi safar qilingan. Taxminlarga ko‘ra, “Dorian” bu shtatga avval kutilganidan-da ko‘proq zarar yetkazishi mumkin.
Hurricane Dorian arriving on Abaco with 180mph winds... pic.twitter.com/DnsoKsF046
— Bahamas Press (@Moca_Foundation) September 1, 2019
Odatda Atlantika okeanida beshinchi kategoriyaga mansub bo‘ron bir mavsumda bittadan ortiq yuz bermaydi, deb yozadi Meduza. 2018-yili beshinchi kategoriyaga mansub “Maykl” bo‘roni 74 kishining o‘limiga sabab bo‘lgandi. Tabiiy ofat oqibatida ko‘rilgan zarar 25 milliard dollarga teng, deb baholangan edi.
“Dorian” bo‘roni yaqinlashib kelayotgani munosabati bilan AQSh prezidenti Donald Tramp Ikkinchi Jahon urushi boshlanganining 80 yilligiga bag‘ishlangan Polshadagi xotira tadbirlaridagi ishtirokini bekor qilgan edi.
Izoh (0)