Fransiya prezidenti Emmanuel Makron Eron prezidenti Xasan Ruhoniy bilan Biarritsdagi G7 sammiti doirasidagi muzokaralar natijalarini muhokama qildi, deb xabar beradi “Kommersant.ru”.
Qayd etilishicha, telefon orqali muloqot davomida Makron Eron tomonining yadroviy bitim majburiyatlarini bajarishi va Yaqin Sharqdagi tinchlik va xavfsizlikni tiklash uchun zarur choralarni ko‘rishi zarurligini eslatdi.
“Respublika prezidenti hozirgi dinamikaning mintaqada muloqot va ishonchli yechimlarni ishlab chiqish yo‘li bilan deeskalatsiyaga yordam beradigan shart-sharoitlarni yaratish muhimligini ta’kidladi”, — deyiladi xabarda.
Mamlakat rahbarlari Yaman va Livandagi inqirozni ham muhokama qilgan hamda mustahkam aloqalarni saqlab qolishga kelishgan.
2015-yilda Eron va jahonning kuchli olti mamlakati hamkorlikdagi keng qamrovli harakat rejasini imzolagan.
Bitim doirasida Eronga qo‘yilgan sanksiyalar olib tashlangan. Buning evaziga esa u yadroviy dasturdan voz kechishi kerak bo‘lgan. 2018-yilning mayida AQSh yadroviy kelishuvdan chiqqan va Eronga qarshi sanksiyalarni joriy qilgan. O‘sha paytdan beri sanksiyalar bir necha bor qat’iylashgan.
Izoh (0)