Janubiy Karolina shtati gubernatori Genri Makmaster “Dorian” to‘foni munosabati bilan favqulodda holat e’lon qildi, deb xabar berdi “Kommersant.ru”.
Gubernator shtat aholisini ogoh bo‘lishga va tabiiy ofat keltirishi mumkin bo‘lgan oqibatlarga tayyor turishga chaqirdi.
“To‘fon kuchini hisobga olgan holda biz har qanday vaziyatga tayyor turishimiz kerak. Janubiy Karolina jamoasi talab qilingan taqdirda tayyor turish uchun kecha-yu kunduz ishlamoqda”, — deydi gubernator.
Amerikaning Florida shtati qirg‘oqlariga yaqinlashayotgan “Dorian” to‘foni bir kun oldin to‘rtinchi darajagacha kuchaydi.
“Dorian” dushanba kuni kechqurun Florida yarim oroli qirg‘oqlariga yetib kelishi kutilmoqda.
Agar meteorologlar prognozlari to‘g‘ri chiqsa, “Dorian” Floridadagi 1992-yildagi “Endryu” to‘fonidan keyingi eng kuchli to‘fon bo‘ladi.
Izoh (0)