Venesuela hukumati sud binosi va maxsus kuchlar bo‘linmasi oldidagi teraktlarni bartaraf qildi. Bu haqda aloqa va axborot vaziri Xorxe Rodrigesning so‘zlariga asoslanib, “Kommersant.ru” xabar berdi.
17-avgust kuni bo‘linmalarda politsiyachilar tomonidan shubhali qoplar topilgan.
“Ular milliy razvedka xizmati sapyorlari bilan bog‘langan hamda qoplarda portlovchi moslamalar borligi aniqlangan”, — deydi Rodriges.
Vazirning so‘zlariga ko‘ra, ushbu hodisada aybdor sifatida gumonlanib qo‘lga olingan shaxs “hujumlar Kolumbiya hududidan muvofiqlashtirilgani” haqida so‘zlab bergan.
Tintuv paytida uning yonidan portlovchi moslama topilgan.
“U portlovchi moslamani Karakasdagi Adolat saroyiga o‘rnatishi kerak bo‘lgan. Bu esa minglab kishilarning halok bo‘lishiga olib kelardi”, — deydi Rodriges.
Izoh (0)