«Дориан» бўрони Багам ороллари соҳилларига етиб келди, дея хабар бермоқда АҚШ Миллий метеорология хизмати. Бўрон Саффир-Симпсон шкаласи бўйича энг юқори — бешинчи категориягача кучайган. АҚШнинг Флорида ва Жоржия штатларида аллақачон фавқулодда ҳолат тартиби эълон қилинган (аввалроқ Жанубий Каролинада ҳам шундай қилингани ҳақида хабар берилган эди).
More video out of Abaco it's like a tornado went through the place pic.twitter.com/0EkdwPGkjp
— Latrae L. Rahming (DOC)🇧🇸 (@latraelrahming) September 1, 2019
Метеорологларнинг баҳолашларига кўра, «Дориан» сўнгги 30 йилдаги энг кучли бўронга айланиши мумкин, дея хабар бермоқда «Коммерсант». «Бўрон марказида шамолнинг тезлиги соатига 298 километргача, айрим ўринларда 354 километргача кучаймоқда», — дейилади хабарда. Бўрон Багам оролларидаги энг катта иккинчи орол — Абакога ёпирилиб, вайронагарчиликларга сабаб бўлган.
More devastating footage from the Abacos islands, #Bahamas this afternoon lots of areas affected by the #StormSurge and plenty of wind damage! #Dorian2019 #Dorian #hurricanedorian report @Brendeaaa pic.twitter.com/hgz56ZILsM
— WEATHER/ METEO WORLD (@StormchaserUKEU) September 1, 2019
Табиий офат таҳдид солаётган штатлар маъмурияти аҳолини бўроннинг келишига тайёргарлик кўришга — сув, консервалар ва биринчи галда зарур буюмлар захирасини тайёрлаб қўйишга чақирган. Флоридада бўрон оқибатларига қарши курашиш учун Миллий гвардиянинг 2,5 минг аъзоси сафар қилинган. Тахминларга кўра, «Дориан» бу штатга аввал кутилганидан-да кўпроқ зарар етказиши мумкин.
Hurricane Dorian arriving on Abaco with 180mph winds... pic.twitter.com/DnsoKsF046
— Bahamas Press (@Moca_Foundation) September 1, 2019
Одатда Атлантика океанида бешинчи категорияга мансуб бўрон бир мавсумда биттадан ортиқ юз бермайди, деб ёзади Meduza. 2018 йили бешинчи категорияга мансуб «Майкл» бўрони 74 кишининг ўлимига сабаб бўлганди. Табиий офат оқибатида кўрилган зарар 25 миллиард долларга тенг, деб баҳоланган эди.
«Дориан» бўрони яқинлашиб келаётгани муносабати билан АҚШ президенти Дональд Трамп Иккинчи Жаҳон уруши бошланганининг 80 йиллигига бағишланган Польшадаги хотира тадбирларидаги иштирокини бекор қилган эди.
Изоҳ (0)