Gonkongda norozilik namoyishi ishtirokchilari va politsiya o‘rtasidagi to‘qnashuvlarda 31 kishi jabrlanib, kasalxonaga yotqizildi, deb xabar berdi “Kommersant.ru”.
Jabrlanuvchilarning aksariyatiga uyga javob berilgan. Ulardan besh nafari og‘ir ahvolda ekanligi aytilmoqda.
Gonkongda norozilik namoyishlari iyun oyidan beri to‘xtamayapti.
Norozilik namoyishlari ekstraditsiya to‘g‘risidagi qonun sabab o‘tkazilmoqda. Namoyishchilarning fikriga ko‘ra, ushbu qonun Xitoydan Gonkongga qochgan dissidentlarga qarshi qaratilgan.
Hozirda Gonkong hukumati Xitoydagi ushbu maxsus ma’muriy tumandagi ommaviy norozilik namoyishlari va tartibsizliklarni bartaraf etish usullarini izlamoqda.
Maxsus ma’muriy tuman rahbari Kerri Lam yopiq eshiklar ortida namoyishga chiqqan yoshlar vakillari bilan uchrashdi, biroq o‘zaro kelishuvga erishilmadi. Lam hududda favqulodda holat rejimini joriy etmaslikka so‘z berdi, biroq vaziyatdan chiqish usulini taklif etmadi.
Izoh (0)