Texasdagi ikki shaharda odamlarga qarata tartibsiz o‘t ochildi. Besh kishi o‘ldi, 20 dan ortiq odam jabrlandi

AQShning Texas shtatida jinoyatchi tasodifiy o‘tkinchilarga qarata o‘qotar quroldan tartibsiz o‘t ochdi. Associated Press’ning xabar berishicha, hodisa oqibatida besh kishi, jumladan, huquq-tartibot organlarining uch xodimi halok bo‘lgan. Kamida 21 kishi shikastlangan.

Hodisa Midlend va Odessa shaharlari atrofida yuz bergan — bu ikki aholi punkti bir-biridan 32 kilometr masofada joylashgan. Jinoyatchi otishmani AQSh Pochta xizmatining o‘g‘irlangan furgonidan turib keltirib chiqargan. Uni Odessadagi kinoteatrda o‘ldirishgan. Hozircha uning 30—40 yosh oralig‘idagi oq tanli erkak ekani ma’lum.

Politsiya dastlab o‘tkinchilarga qarata bir emas, balki ikki jinoyatchi o‘t ochgan bo‘lishi mumkin deb taxmin qilgandi, keyinroq bu taxminlar rad etildi, deb yozmoqda Meduza.

Avvalroq AQShning Alabama shtatida maktab futbol jamoalari o‘rtasidagi uchrashuvdan so‘ng otishma yuz bergani haqida xabar berilgan edi.