Венесуэла ҳукумати суд биноси ва махсус кучлар бўлинмаси олдидаги терактларни бартараф қилди. Бу ҳақда алоқа ва ахборот вазири Хорхе Родригеснинг сўзларига асосланиб, «Kommersant.ru» хабар берди.
17 август куни бўлинмаларда полициячилар томонидан шубҳали қоплар топилган.
«Улар миллий разведка хизмати сапёрлари билан боғланган ҳамда қопларда портловчи мосламалар борлиги аниқланган», — дейди Родригес.
Вазирнинг сўзларига кўра, ушбу ҳодисада айбдор сифатида гумонланиб қўлга олинган шахс «ҳужумлар Колумбия ҳудудидан мувофиқлаштирилгани» ҳақида сўзлаб берган.
Тинтув пайтида унинг ёнидан портловчи мослама топилган.
«У портловчи мосламани Каракасдаги Адолат саройига ўрнатиши керак бўлган. Бу эса минглаб кишиларнинг ҳалок бўлишига олиб келарди», — дейди Родригес.
Изоҳ (0)