Turkmanistonda davlat kvotasi hisobidan haj ziyoratiga borganlar qaytdi.
Mamlakatdan hajga boruvchilar uchun chindan ham barcha xarajatlar to‘lab beriladi, hatto ziyoratdan so‘ng ham davlat tomonidan ajratilgan mablag‘ning salmoqli qismi qoladi. Ular avvaliga safar va mehmonxonada yashash xarajatlarini o‘z hisobidan milliy valyutada qoplaydi, keyinchalik ziyorat oldidan bularning barchasi davlat kursi bo‘yicha dollarda kompensatsiya qilinadi va qo‘shimcha xarajatlar (masalan, ovqatlanish va transport) uchun pul qo‘shib beriladi.
Bu yil yoki oldinroq haj ziyoratiga borganlarning aytishicha, davlat hisobidan boruvchilar ro‘yxatiga kirish uchun 10 ming manat (555 dollar atrofida) pora berish kerak. 2 ming dollar berilishi inobatga olinsa, bu “xarajat” o‘zini oqlaydi, biroq hajga borish uchun pora berishni o‘ziga ep ko‘rmagan va buni gunoh hisoblaydiganlar ham bor. Ular “to‘g‘ri yo‘l” bilan ro‘yxatga kiritishlarini yillar mobaynida kutadi.
Ma’lumot uchun, Turkmaniston prezidenti bu yil 160 kishiga haj ziyoratiga borishga ruxsat berdi.
Izoh (0)